Núna styttist í 17. júní og eflaust mikið af veislum í kringum þjóðhátíðardag okkar Íslendinga. Við hjá Myllunni vitum að brauðréttir spila oft stórt hlutverk í veislum og er tilvalið að skella í einn einfaldan og góðan brauðrétt til að hafa á boðstólum.

Fyrir stuttu síðan birtum við færslu með uppskrift af ómótstæðilegum köldum brauðrétti. Að þessu sinni viljum við veita þér frábæra uppskrift af bragðgóðum og öðruvísi brauðrétti sem kemur virkilega á óvart og myndi henta í þjóðhátíðarveislu þína.

 Heitur ostabrauðréttur

2 stk. Rúllutertubrauð frá Myllunni

1 stk. hvítlauksostur

1 stk. Mexíkó-ostur

1 askja Camembert-smurostur

2 dl. rjómi

1 bréf  pepperoni

1 askja hunangskinka

1 blaðlaukur

2 rauðar paprikur

½  poki rifinn pizza-ostur

rifsberjasulta

græn vínber

 

Aðferð:

1. Afþíðið rúllutertubrauðin og hitið ofninn upp í 200 gráður (blástursofn).
2. Skerið ostana niður í bita og blandið þeim saman við rjómann ásamt Camembert-smurostinum í potti og látið ostana bráðna undir meðalháum hita.
3. Skerið pepperoni og hunangsskinku í litla strimla og blandið saman við ostablönduna þegar hún hefur alveg bráðnað.
4. Skerið paprikurnar smátt niður ásamt blaðlauknum og blandið saman við ostablönduna.
5. Rúllið rúllutertubrauðunum út og dreifið ostablöndunni jafnt yfir, rúllið svo rúllutertubrauðinu varlega saman og setjið á bökunarpappír á ofnskúffu.
6. Dreifið loks rifnum ost yfir og setjið inn í ofninn og bakið þar til osturinn hefur náð að bráðna og rétturinn orðinn vel heitur eða í um það bil 20 mínútur.
7. Berið loks fram með rifsberjasultu og vínberjum.