Vinir okkar hjá Tertugallerí hafa nú aukið vöruúrval sitt og bjóða upp á gómsætt og gullfallegt smurbrauð að dönskum hætti. Úrvalið er glæsilegt og þú getur valið um bæði heilar og hálfar brauðsneiðar. Að sjálfsögðu er brauðið frá Myllunni.

Tertugallerí er þekkt fyrir úrvals kaffiveitingar á einkar hagstæðu verði. Smurbrauðið er engin undantekning á því. Sex tegundir smurbrauðs eru í boði, hver annarri girnilegri. Smurbrauð á sér langa og glæsta sögu á öllum norðurlöndunum þó danir séu einna þekktastir fyrir þessa þægilegu máltíð.

Smurbrauð hentar einstaklega vel á fundi og ekki eru þær síðri í veislum og öðrum mannamótum. Allar veitingar Tertugallerís eru sérstaklega gerðar fyrir hverja pöntun og því borgar sig að panta tímanlega. Skoðaðu úrvalið hér og leggðu inn pöntun fyrir fundinn, veisluna eða mannamótið.