Það er fátt skemmtilegra en að safna saman fjölskyldu eða vinum yfir ljúffengri hamborgaraveislu. Það besta við hamborgara er hversu einfalt er að aðlaga þá að ólíkum smekk og skapa veislu sem hentar öllum.

Hamborgaraveisla er frábær leið til að gera helgina sérstaka án þess að eyða klukkutímum í eldhúsinu. Allt sem þarf er smá undirbúningur, góð hráefni og smá sköpunargleði.

Það er að mörgu að huga þegar bragðgóða hamborgaraveislu gjöra skal. Ástríðan hvetur mörg okkar til að skapa, gera eitthvað nýtt og betra í eldhúsinu. Spennandi tilraunir með framandi álegg, ljúffengt meðlæti og gott kjöt kallar á þéttara hamborgarabrauð sem fullkomnar hamborgarann þinn.

Þegar kemur að því að búa til hinn fullkomna hamborgara gleymist oft í undirbúningnum að huga sérstaklega að hamborgarabrauðinu. Því raunin er sú að hamborgarabrauð er ekki bara hamborgarabrauð, vegna þess að brauðið er ekki bara grunnurinn, heldur lykillinn að því að gera hamborgarann að algjörum lúxusrétti.

Það er hamborgarabrauðið sem setur punktinn yfir i-ið! Þess vegna er mikilvægt að hafa hamborgarabrauðið í hávegum og fá tækifæri til þess að njóta lúxus í hverjum bita!

Gott hamborgarabrauð þarf að vera mjúkt að innan en samt með létta skorpu sem gefur rétta bitann. Það á ekki að yfirgnæfa bragðið af borgaranum, heldur undirstrika og fullkomna heildina. Það er því tilvalið að velja Hamborgarakartöflubrauðið frá Myllunni þegar þú vilt vanda valið og gera hamborgarann að algjörri lúxusmáltíð. Hamborgarakartöflubrauðið er einstaklega ljúffengt og er þéttara og mýkra brauð. Það sama gildir um hamborgara sætkartöflubrauðið, sem gerir hamborgarann þinn extra sætan og ljúffengan.